بحر هايج
سما سودا
رعد في الافق
الظلم سايد
بكتب في نوتا
بعدل في النسق
مبدا دمار
الدنيا غبار
طول الليل
وطول النهار
قايم بالنسك
المبادئ رخيصه
وكله هيصه
والاخلاق ضايعه
وبنت الذوات
بجمالها مايعه
والبشر كاتبه روشيته
على الجرنان
بتقول انها ناعيه
اخلاق الزمان
للشاعر / احمد صلاح
قصيدة حبال العشق
كنت دايب في حبال
حب و عشق وقلبي مال
قربت ليكي بالطرق
ولسه بيني وبينك اميال
مهما قلت فيكي قليل
مهما وصفت فالوصف ساده
ازاي هحكي عالعيون
وهي بالنسبالي السياده
امتلاني انا الجنون
وبقت هيا كل عاده
ازاي هغازل في الحبيبه
واقول فيها شعر الغزل
والشمس لما شافت ضيها
اعتلاها وركبها الخجل
ولما جه القمر شافها محله
فا خلاها تداوم مكانه من الكسل
احمد صلاح
روحي كانت كامله بوجودك
روحتي فاراح الجزء الكبير
كانت ارق عيون عيونك
ماشي في عروقك عابر سبيل
غيبتي فابقيت مجرد جسد
جواه سامعين صوت هدير
اختفيتي فا اتقيدت في مسد
وبقيت للتعب والحزن سفير
طب قوليلي ليه جحودك
ليه نكرانك لكل يوم بينا جميل
اول ما غلطت حسستيني اني
كانت غلطاتي كتير
بس لو رجعتي رجوعي مستحيل
كنتي اهم حاجه في كل حاجه
لكن بعد ما عرفتك فراقك جميل
