قصيدة خلاص كده !!؟

                  قصيدة خلاص كده !؟

خلاص كده ؟
دي النهايه ؟
بعد حب سنين
ووعدك تكوني معايا
خلصت خلاص ؟
مافيش مناص ؟
طب بحبك !!
طب لسه عاشق ضلك
طب لسه القمر يشوفك
يتكسف و تشرق شمسنا
طب فاكره لما كنا بنسابق ضلنا
و الورد مفتح
و الشجر طارح خيره
و اوراق الشجر
خضرا في فصل غيره
في فصل غير الربيع
كان كل ايامنا ربيع
كان خريفنا حتى سوا
الورق اخضر بديع
خريفي بدا لحظه غيابك
لما كتبتي بايدك فراقك
والورق اللي كان لازم يدبل
في فصل الخريف
دفعت انا بدمعي التمن
وبدل كل ورقه كان لازم تقع
وكل مطره في الشتا
كان لازم تنزل من السما
الدمع في عيني لمع
والعالم كله سمع
الا المطلوبه في القصيده

الشاعر/احمد صلاح

شعر عاميه