الكذب واسبابه

                             الكذب اسبابه وطريقة علاجه

لو راجل عند70 سنه بيكذب او طفل عنده 7 سنين  بيكدب السبب ابوه وامه طبعا

باستخدامهم طريقه في التعامل معاه اللي هيا عملت كذا ؟ بنبره كلها خشونه 

تخلي الطفل يخاف فايقول لا معملتهاش فايزود نبره الخشونه ويزعق اكتر عملت 

كذذذا ؟ انت متوقع انو هيقلك ااه بعد ما تزعق اكتر.. غير انك بتربي بداخله ازمه نفسيه 

هتكتشفها لما يكبر وبتربي جواه خوف منك ومن تعاملاته معاك وبتفقد ثقته فيك فانت 

بتكسبه اوحش صفه ممكن تكون في راجل وهي الكذب

الكذب مرض بيبدا كعاده زي انواع المخدرات كلها والتشبيه بينهم انا شايفه قريب جدا

فاللي بيشرب مخدرات بيشربها هروبا من الواقع

واللي بيكدب بيكدب خوفا من الواقع

اللي بيشرب مخدرات بيبداها لما يحس الناس جايه عليه (غالبا)

اللي بيكدب بيكدب برضو لما يحس الناس جايه عليه

المخدرات بتبدا كعاده ولما لقاها شبعت رغباته او طلعته من اللي هو فيه بيدمنها

الكدب بيبدا كعاده ولما يلاقيه طلعه من المازق اللي هو فيه بيدمنه

الموضوع بسيط صاحب ابنك صاحب بنتك متنميش فيه مرض الكدب من صغره

عشان مش هيموت جواه لو اتمكن منه ...


W.B :احمد صلاح